برنامج علاج طبيب شعبي اعشاب للايفون
النتائج 1 إلى 8 من 8
قصص حكايات روايات طويلة و قصيرة قصص منوعه , تخيل نفسك بطل هذه القصة المنتديات الأدبية; تخيل نفسك بطل هذه القصة وبعد ماتقراها قلي رآيك لو صار لك كل هالأحداث ..... منقـــــــــــولـــــــــه عن صديــــق تخرجت من ...
  1. #1

    تاجر المحششين سابقاً

    تاريخ التسجيل
    Feb 2008
    الدولة
    منتهيـــهْْ
    المشاركات
    623
    معدل تقييم المستوى
    24

    افتراضي تخيل نفسك بطل هذه القصة

    تخيل نفسك بطل هذه القصة
    وبعد ماتقراها قلي رآيك
    لو صار لك كل هالأحداث

    .....

    منقـــــــــــولـــــــــه عن صديــــق

    تخرجت من الثانوية مثلي مثل اي شاب عنده طموح

    يتخرج من الجامعه
    ويتوظف في الحكومه ويومني بالثانوي ما اعرف امريكا الا على الخريطه
    من سابع
    اي سابع من عشرات الملايين اروح امريكا
    اول شي اابوي وامي ما
    يعرفون غير مكه المدينه جده والقصيم والضيان((النار اللي بسبب حرق
    الغازفي ابار البترول)) اللي في راس تنوره والوالد مثقف يعرف الهند يعني امريكا أوربا ولا حتى سمعوبها قريتنا صغيره مره في احظان
    الصحراءالمهم ابي اكمل الدراسه وحبيت راس الوالد قلتله ابي اكمل
    دراستي في الرياض واللي هو يلتفت على ويقول وشو هاه قلت لا ابد سلامتك
    قال اسمع ياوليدي خلك مثل ولد جيرانا نويصر ولد ابو نويصر((ناصر))يشتغل
    في البلديه معطينه موتر))سيارة(( مراقب اشتغل بعد الثانويه قلت يبه انا
    ودي اصير مدير يبه ودي اتعلم بعد الوالد صكت براسه مديرقال اها طيب وين
    تبي تدرس فيه قلت الرياض قال يحوول يعني ما تجي الاداره الا بالرياض قلت
    يبه ديرتنا والديره اللي ادرس فيها يبه ما فيها جامعه
    قال يا وليدي الله يوفقك والدنيا ضحكتلي خلاص بروح لرياض اللي نسمع
    عنهاوطيران على بيت ابو ناصر عشان اتفق مع ناصر يوديني لرياض والا ناصر
    يبي بس اشرله طيران لبوه ويقوله يبه ولد ابو محمد يبي اوديه لرياض
    ابوه قاله يروح معي قال ابوه طيب بس خلني اشوف ابوه واعرف القصه وشي
    المهم بعد الماشورات وافق الكونقرس حق القريه ان ناصر يوديني لرياض ولا
    يمرح((يعني ينام))ينكس يعني يرجع بيومه :: وابتدأ المشوار على قولت عبد الحليم يوم وصلنا الرياض تعال شوف
    التوهان ويالله بعد فزعات من خلق الله وصلنا جامعت الملك سعود بالملز
    اول ودخلنا على التسجيل وشافو الدرجات وجاك اللي ناصح لي يبيني اتعلم
    افضل تعليم الله يذكره بالخير الاستاذ عبدالله الفهد قال يولدي ورا ما
    تروح لوزارة المعارف ترى عندهم بعثات لامريكا هو قال امريكا دارت بي
    الدنيا قلت وشو قال بيبعثونك تدرس على حساب الحكومه هناك قلت وش ادرس
    قال انت درجاتك زينه تدرس هندسه اي شي تدرسه ذا كلامه بالحرف قلت طيب
    وشلون ابوي قال ها لازم موافقته قلت وش اسوي طيب قال راح لافلان
    بالوزاره وتعرف كل شي قال نويصر يوم طلعنا اي امريكا واي خرابيط والله
    لو يعرف ابوك وشي امريكا انكان يتمردغك ((يعني يضربك)) الين تقول امين
    ابوك ما يعرف امريكا يعرف انها ديرة الكفار قلت يا نويصر خلنا نروح نشوف
    وشعندهم ويصير خير انطلقنا للمعارف بعد ما قابلنا الرجال وهو يوصف لنا
    المكان وجينا الوزاره وهم يعطونا ذيك الاوراق ويقولون خل ابوك يوقع
    قلت ايه هين يوقع يبي يوقع على جبهتي قال نويصر اخلص تبي الجامعه او
    خلني ارجع لاهلي قبل اليل انا صراحه خمتني فكرة امريكا قلت في نفسي
    الموت واحد بروح لبوي واللي يسوي يسيويه ونويصر يقنع فيني وانا بعالم
    ثاني المهم قال بكيفك خلنا نتغدا وبعدين نمسك الخط نرجع تغدينا وانا ما
    اكلت شي بس المس الكبسه لمس وصلت امريكا الف مره ونويصر طايح في الاكل
    ركبنا السيارة راجعين لديرتنا وانا افكرفي ابوي شويه وافكر كيف افاتحه
    بالموضوع وامي وش بتقول واخواني الصغاروخواتي المهم ناصر يسولف على وانا
    بعالم ثاني ما توقعت اني بجيني هل الحاله قلت خل اشوف هل الاخ يمكن
    يطلعلي بفكره تساعدني قلت ناصر وش رايك انا رايح رايح لامريكا بس ابي
    طريقه اقول لبوي فيها ضحك ذيك الضحكه اللي هبلتني زود قال حبيبي انسى
    الموضوع ابوك ما هوب راضي قلت اسمع انا رايح رايح بس فكني اما ساعدني
    او لاتعلم احد شافني جاد قال مالك الا تقوله انك شافوك الجامعه ولد
    متربي واخلاق ممتازه وقالو منهو ابوك هللي طلع هل الرجال نبيك تروح
    تدرس برا على حساب الحكومه وانهم يبي يعطونك بيت وايعطونك اكل
    ويرا قبونك لين تخلص من الدراسه واذا خلصت من الدراسه يجيبونك مدير
    الصحيه((يعني المستشفى)) ويعطونك راتب10000عشرة الاف هي سنة وحده قلت
    ناصر اول مره تجيب علم طيب ولاتزعل انت ما دهورك الا عمال البلديه
    المهم وصلنا قريتنا على المغرب وكني رايح عن اهلي سنه امي تحظني
    واخواني يرقصون وخواتي يقولن اخوي خلاص متمدن ((يعني راح للعز
    لرياض))قلت ايه هين هذا اوله اجل اذا غبت سنه وش يبون يسوون سكت لين جا
    الوالد من عند الجيران باليل وانا انتظره حبيت راسه وقلت له يبه ابيك
    بعلم شوي بس الوالد قال حبت هل الراس وراه بلا((يعني مصيبه))قلت لايبه
    انا بقولك السالفه كلها قال طيب اها وش عندك قلت يبه الحكومه الله
    يعزها يبون يدرسوني برا على حسابهم ويمشون لي راتب الوالد ما استوعب
    قال انت وش تقول اضبط روحك وتكلم زين قلت يبه اسمعني لين اقولك خلاص
    قال يالله اخلص قالت اللي صار كله قال يوليدي من اصبح افلح وانا حسيت في بوادر موافقة مع ضيقت صدر لبوي المهم طول اليل وانا ادعي ربي وكل
    شوي مصلي لي ركعتين ويم جاء القجر قمت اصلي مع الوالد واخوني وانا ما
    نمت قال الوالد يوم طلعنا من الصلاة تعال خلنا برا وعلمني عدت عليه
    السالفه كلها قال طيب يا وليدي متى ترجع قلت يبه اذا خلصت الدراسه
    اجيكم طاير قال يعني بالصيف قلت ايه المهم قال يا وليد امنتك اللي ما
    يخون الامانه امنتك الله رح يوليدي انا من الفرحه الدمعه على الخد
    وحسيت قلبي يرقع في صدري من الفرحه وجبت له الاوراق وبصم عليها وطيران
    انا واهو لبوناصر على شان يوديني الرياضومرت الأيام اللي جلستها في قريتنا الحالمة وبعد ثمانية أيام جلست مع الوالد
    ولا حضت انه
    متضايق قلت يبه سلامات وش فيك قال يا وليدي والله آنا خايف من هل الروحة أخاف
    تروح ولا ترجع قلت يا يبه المكتوب ما عنه مهروب انك كان الله كاتب ارجع رجعت
    وان كان مقدرلي غير كذا فالله وما ارا د
    قبل السفر لرياض وبعد اخذ أموا فقه وتوقيع آبى على الأوراق اتفقت مع ولد
    الجيران انه يكون موعد سفرنا الفجر بعد الصلاة لملمت أغراضي وآنا سهران ما نمت
    أحس في آمي ما نامت وبعد ما خلصت سويت نفسي نايم وآذن الفجر وقمت وحصلت أخواني
    وأخواتي ما ناموا كلهم بي يودعوني صليت ورجعت مع الوالد وجاء
    ولد الجيران ودعت أخواني وهم يبكون والوالدة مثلهم وقبلت راس الوالد والوالدة
    وحضنت أخواني كلهم
    ومشيت لرياض ودعت القريه وطول الطريق ناصر ينصحني أنى ما أضيع مع البنات ولا
    أضيع مجهودي
    دراستي على الفاضي وصلنا الوزارة خلصت أوراقي على طول وموعد السفر بعد يومن
    اضطر ناصر يجلس
    معاي وصلني للمطار وطبعا غشيم عمر جدي ما ركبت طيارة ولا ادري كيف اسوي أي شي
    المهم بعد أل لخبطة ركبت الطيارة والطيارة تنزل بلندن طبعا أول ما شفت المضيفة
    حسيت اني عايش بعالم ثاني
    لا وتكلمني بئد ب سرت بي رعشت خوف من المجهول وطول الرحلة وآنا سرحان وبجنبي
    رجال شايب
    يبي يسولف وانا الله اعلم بحالي حاجه وحده استفدها منه بمطار هيثرو بلندن علمني
    وين أروح وين اجي
    جلست خمس ساعات بالمطار وانا ما غمضت عيوني من البلاوي اللي شفت بنات عالم ويني
    وين القريه اللي عمري ما شفت فيها الا الجيران وبس والله اعلم بحالهم بعد
    صحيح فيهم حلاوه لاكن ما طلعت لبرا ولا تعرف المكياج ولا غيره المهم طارت
    الطياره لمطار نيورك
    وتعال يا نييورك سكنتا السفاره مع عائله عشان الانجليزي وحصلت لي واحد سعودي
    طار يوم شافني من الفرحه يقوال اخيرا واحد من ريحة الاهل السعوديه تعرفنا على
    بعظ طبعا هو قبلي ويعرف المنطقه اكثر مني
    وقالي يالله مشينا سينما انا ما ادري وشي وقعد يشرحها لي انا قلتله عيني ما
    ذاقت النوم خليني انام
    والصباح رباح طبعا العمه ( العمه اللي هي ام العائله اللي انا عندها)تبتسم
    وتوريني وين مكاني وغرفتي وتوريني البيت وانا امشي زي الاهبل وراها بس ابي
    ارتاح افصخ هل البنطلون اللي عمري ما لبسته
    دخلت الغرفه ورحت بسابع نومه الين بكره الصباح ومرت الايام وصاحبنا ما فيه شي
    الا عرفته منه
    وبعدين دراستي صارت في سان فرانسسكو في بلد على البحيرة اسمه سكرمنتو بلد بس
    روعه رحت وحسيت بغربه من جديد والاهل اشتقت لهم كثير بس اللي رادني عنهم كلمت
    رجال لو رجعت ايش بي قولون عني كملت اجرات تسجيلي
    ودخلت القاعة واول ما شفت وطاحت عيني عليه هذيك البنت اللي لابسه غيرهم محتشمه
    طالعت فيني وصديت حظرت المحاظره الأولى وما ادري ليه فيه إحساس يشدني لها ولا
    عندي الجرأة أكلمها جمعت فلوسي واشتريت بيت وكنى شاري أمريكا كلها تعرفت على
    طلاب سعوديين كثير والبنت هذي بس
    كل يوم أشوفها ولا حاولت اقرب يمها يوم من الأيام يوم جمعه طبعا الصلاة
    aمحاضراتنا بعد الصلاة
    نسيت أقولكم اني شريت سيارة نيسان صغيره وطبعا الشباب ما قصرو بالرخصة ضحكو
    على الامريكان ضحك بالرخصه يترجمون لي ويجاوبون عني المهم بعد الصلاة وقفت
    سيارتي بالمواقف ودخلت للجامعه وكنت
    بدري يوم دخلت ابي اخذ شاهي الا الاقي البنت طبعا ارتبكت وبدون شعور قلت سلام
    عليكم وانا
    ما ادري وش جنسيتها امريكيه أي شي تفاجئت الصوت يرد يقول عليكم السلام لاحظت
    ارتباكي وضحكت علي
    وعشان تشيل الارتباك ولا اسبب لها إحراج قالت انت من وين قلت من السعوديه وانتي
    قالت من السعوديه
    وما دريت عن نفسي وانا واقف الا هي انحرجت وقالت تفضل اجلس انا صحيت لنفسي
    وقلت لا شكرا انا باخذ شاي واطلع قلت مع السلامه سلام ورحت واخذت الشاي ومن
    الهبال او الفرحه او ما ادري شسميه نيست السكر طلعت برا وشربت الشاي وقررت اجلس
    جمبها وجيت للمكان اللي متعودة تجلس فيه وجلست جمبه
    ولا طالعت للباب اخاف تجي عيني بعينها ويوم الله اراد جت وجلست بمكانها وانا
    حسيت فيها من دخلت الباب
    جلست ولاحتى التفت عليها ما ادري ليه خوف او أي شي ما ادري المهم انا جالس
    اتابع الدكتور واسجل كل شي يقوله كل العاده اثرها تسرق النظر يمي وتشوفني ايش
    اسوي يوم خلصت المحاظره التفت عليها الا عيني بعينها قلت هلا وهي قال مرحبا
    قالت ماشاء الله عليك منت زيهم قلت انا مين قالت الشباب الثانين
    انت حريص انا ما ادري طلعت مني كذا قلت ما تغربت وتركت اهلي الا انا ابي ارفع
    راسي فوق وقبل كل شي ابوي ارفع راسه قدام العالم اني فعلا قدر تربيته قالت انت
    من وين في السعودي قلت لها انا من قريه فيها ما هي على الخريطه ضحكت من قلبها
    علي وانا ضحكت لضحكتها وقمت واقف وهي قامت قلت لها واحنا نمشي انتي من وين قالت
    من الرياض ومشنا نسولف ما دريت الاحنا بالمواقف وانا امشي معها ولحد سيارتها
    تعديت سيارتي ويم شفت سيرتها قلت هي هيه مشالله عليك سيارت غاليه قالت ايه
    الوالد شرهالي قبل يرجع لسعوديه قلت ابوك كان هنا قالت ايه كان هنا لين اشترالي
    بيت واطمئن علي وجهزلي كل شي
    قلت انتي شكلهم اغنياء قالت الحمدلله وبزود بعد اغنياء قلت لها الله يوفقنا
    وايكم واستئذنت انا ورحت لسياره
    وانا امشي اشوفها بمراية السيارة قلت في نفسي هل البنت وش تبي لاحقتني وامشي
    قلت يمكن بتشوف سيارتي وين ساكن انا وصلت لحد البيت والا هي وراي وقفت عند
    البيت اللي جاري بالضبط انا وقفت
    من الدهشه ولا تحركت شفتها تنزل وتدخل لبيت طبعا هي ما تعرف سيارتي ويم جا من
    بكره الصباح حرصت اناها تشوفني تعرف اني جارها وجلست في السياره اشغالها لين
    طلعت نزلت من سيارتي وانا اكحكح عشان تشوف وانا ما التفت لها ودخلت وجبت جكيتي
    وركبت ولا كني اطالعها ومشيت وهي احسها تناظرني
    ودخلت المواقف ورحت لقاعه وجلست بمكان قريب من مكانها بحيث انها تمر من عندي
    يوم جت حسيت بفرحه ما ادري ليه ومرت بجمبي وانا بقمت سعادتي قالت قود مورننق هي
    قالت قد موررنق بغيت افز من مكاني قلت انا وانا منزل راسي قود مورننق ورفعت
    ارسي اطالع فيها حسيت فيها ببتسامه وبغيت اطير من الفرحه
    وانا ما ادري ليه جلست هي جمبي وتركت مكانها الله اول مره اشم ذاك العطر اول
    مره احس الدنيا غير التفت لها وما قدرت امسك ابتسامتي ولا فرحتي وهي حست بالشي
    هذا قالت بصوت خافت هلا قلت هلا فيك
    وجلست انا كل العاده اتابع المحاظرات ولا يفوتني كلمه من الدكتور وبعد نهاية
    الدراسه قلت لها انا ودي اروح الف في هل الشوراع والاسواق بس ما اعرف وين
    اروح ولا اجي بس طريق البيت وطريق السوبر ماركت اعرفه قالت انت وين ساكن طبعا
    انا وصفت لها البيت وهي تسوي نفسها ما تعرف وقالت يالله بيت جاري انت طبعا
    تضاهرت اني ما اعرف وطرت فيها ان لها حق الجيره وانها بعيوني الثنتين وحلفتها
    اذا حتاجت شي انا عندها مشينا لسيارت وتوصفلي المطاعم والاسواق وطريق البحر
    وانا اسمعهابقلبي
    ركبنا السيارات وانا هل المره امشي خلفهاوقفنا سوى ويم جيت انزل مشيت لها
    قابلتني وقلت ماشالله جيران وتراني زي ماقلتلك انا لك بالي تبين وقلت لها هذا
    التليفون اذا بغيتي شي ورحت دخلت البيت وغيرت ملابسي ورحت للمطاعم اللي قالت
    ابي اغير هل الكبسات وهل الدجاج اللي فقع بطني وادخل على الهمبرقر
    زحمه طلبت دجاج وطبعا ما اعرفه من قبل وكان الذ سندوتش اكلته بحياتي وببسي
    وطلعت اوانا مره على الاخر شبعان ولفيت لي لفه بالسياره وانا اتمنى اشرطتنا
    العربيه ورحت لبيت ومسكت التليفون واتصلت علىناصربالسعوديه وطار فيني وانا
    بعد وفعلا كنت مشتاق لسوالفه وقلت له يطمني عن اهلي واخذت اخبارهم
    واتفقت معه اني اكلم بكره عليه يكون الوالد موجود اكلمه اسمع صوته طبعا بكيت
    على الاهل الوالده بالذات اشتقت ابي صوتها اخواني ابوي البيت غرفتي الطين
    بالسطح المزرعه جلست يمكن فترة ربع ساعه
    وانا سرحان والدمعه على الخد الا التليفون يدق رفعت السماعه الا صوت العنود انا
    تفاجئت وعبرتي كاسره حلقي قالت الو محمد ايش فيك قلت لاولا شي سلامتك قالت الا
    فيك شي تعبان قلت المسئله وما فيها كلمت على رفيقي بالسعوديه ولد الجيران في
    عمله واطمئنيت على الاهل واتفقت معه يجيب ابوي اكلمه بكره
    وطبعا راح الفكر كله للاهل والوالده والاخوان وخواتي قالت الله يصبرك على
    الغربه اهم ما عندهم تليفون ضحكت ابي اغير الموضوع وقل انا قلتلك انها ما هي
    على الخريطه كيف يصير عندهم تليفون ضحكت مجامله وحسيت انا فيها تبي بس تنسيني
    قلت احلا رنة تليفون شالتني من الهم وانا العشى علي الليه بسويلك كبسه ولا
    تحلمين فيها بحياتك وبجيبها لك لحد بيتك ضحكت وقالت ابشوف الليه اذا ما جاني
    تسمم الله يعينني
    قلت طيب تشوفين بعد كذا بتقولين ابي وابقولك لا الدولارات اول قالت انا متصله
    ابي اخذ دفترك انقل بعظ الحاجات منه قلت انا عيوني اوكي الحين اجيبه قالت يالله
    قفلت السماعه ولبست وطلعت انا حسيت انها تقول كذا بس تبي تكلم وطلعت قابلتني
    بنصف الطريق واعطيتها الدفتر قلت لها انا طفشان ودي اطلع ادور بالسيارة تبين
    اعزمك على شاي في أي مكان قالت لا خليها بعدين انا قلت انت ما وراك شي وانا زيك
    اذا ما فيها أي ازعاج لك تفضلي ركبت السياره معي وطلعنا على الطريق وقفنا في
    سوق غير اللي اجيه دايم انا قالت انا اجي هنا اشرب قهوه لاكن هل المره
    بشرب شاي عشانك وهي تضحك
    نزلنا وطلبنا اثنين شاي وجلست اانا وايها وقلت لها العنود ممكن تتكلمين عن اهلك
    شويه ودي اعرفك اكثر ارتبكت هي من سؤالي ولاحظت عليها الشي هذا وبدت تتكلم
    تقول انا اكبر وحده لي اخوان صغار
    وخوات صغار ابوي عنده شركه كبيرة وهو اللي عرض علي الدراسه هنا وامي حبوبه مره
    ومتعلمه
    طبعا يكلموني شبه يومياوانا اكلمهم وابوي يبي يجي الاسبوع الجاي لي زيارة وهو
    عنده عمل
    وطبعا انا امس كلمتهم عنك انا هنا حسيت انه موجاي عمل جاي يبي يشوفني ويشوف
    بنته جلست تتكلم عن اهلها عائلتها كلهاويوم خلصت قالت يالله الدور عليك ظحكت
    وقلت لها انا دوري بالسياره عشان ما نتئخر
    ركبنا السيارة وقلت لها كل شي عني وعن اهلي وقريتي كلها بالتفصيل حسيت البنت
    ارتاحت لي بشكل كبير
    نزلنا لبيوتنا وقالت وهي تضحك لاتنسى تسممني اليله وهي تضحك قلت طيييييب اوريك
    طبعا جلست اتففن بالطبخ والبهارات من الوالده الله يطول عمرها وحكرت هذيك
    الكبسه ودلعهتا وحطيت لها بسرفيس وغطيته وكلمتها قلت استقبلي الذبيحه وطلعت وهي
    مستحيه مني وتقول مشكور وانااردها لك قلت طيب بس بشرط تكون نفس المستوى بالطبخ
    ضحكنا وقلت تصبحين على خير وقالت وانت من اهله ويم قمت من بكره لقيتها
    بالسياره اشرت لها قلت قود موررنق وقال قود موورنق وقلت لها تعالي وفري بنزين
    تعالي معي بسيارتي محاظراتنا وحده سوى ترردت واستحت وجت عشاني طبعنا انا احلا
    صباح مر علي هذاك اليوم ورحنا للجامعه سوى وافطرنا سوى وانحاس مصروفي
    وميزانيتي بذاك الفطور لاني انا اجمع من الراتب اللي يجيني
    وابيع واشتري بالسيارت والله وفقني فيها وبعد خمسة ايام الا ابوها يوصل وراحت
    تستقبله في المطار
    وانا جلست اعد الدقايق عشان اكلم الوالد الله يطول عمره اتصلت رد علي ابوي يوم
    قال هلو الا تمسكني العبرة قلت هلا يبه هلا بهل الصوت يا يبه وبعد ما
    اطمئنيت عليهم قلت يبيه تبي شي محتاج شي قاصر عليكم شي تراني بنعمه وعندي خير
    يبه ولدك على تربيتك وعلى وصاتك ويرفع راسك بطيبه واخلاقه قال ابشرك وانا ابوك
    يبون يركبون لنا تلفون بالديره وانشالله نكلمك على طول وبعدها قفلت السماعه
    وعشت بعالم ثاني

    للقصة بقيه



    بابليون

  2. #2

    تاجر المحششين سابقاً

    تاريخ التسجيل
    Feb 2008
    الدولة
    منتهيـــهْْ
    المشاركات
    623
    معدل تقييم المستوى
    24

    افتراضي رد: تخيل نفسك بطل هذه القصة

    قمت وصليت وجلست اراجع الا التليفون يدق الا الشباب سعوديين يقولون نبي نروح
    لاس فيقاس
    هل الويكند قلت تم معكم وترا المشيه بكره بعدها قفلت الا يدق مره ثانيه
    ورفعت السماعه الا العنود قلت هلا
    قالت ابوي عندي وده يشوفك ويسلم عليك قلت انا لي الشرف اشوفه دقايق وجاي المهم
    لبست وطلعت لهم ويوم دقيت الباب الا العنود تفتح وهي وجها احمر من الحيا قالت
    تفضل دخلت وسلمت وحبيت راس ابوها بصراحه انا ارتحت يوم شفته جلسنا شربنا شاي
    وابوها يسئلني عن كل شي عن اهلي عن حياتي وحياتهم
    وعن دراستي انبسط يوم عرف مستواي بالدراسه وحسيت انه ارتاحلي مره على الاخر
    طبعا حلفت انا عليه اعزمه اذوقه الطبخ اليله قال يا ولدي وش رايك مطعم افضل
    ضحكت انا قلت ليه خايف من طبخي لاتخاف
    اجل وشرايك في برابكيو يا عم واتفقنا انا استئذنت وطلعت ورحت شريت كل شي وجا
    اليل وبعد الساعه8 جو عندي ابالحديقه الجو كان رائع جدا جلسنا وسولفنا عن كل شي
    كام يتكلم عن تجارته وعن العمل بالسعوديه
    والطفره الحاصله هناك وبعد ما تعشينا قال تعال ابيك شوي وانتي العنود روحي سوي شاي لنا انا حسيت انه بيقول شي جلست انا واياه وقال يولدي انت تقدر تحمل
    الامانه قلت ايش هي واذا اقدر اقولك قال العنود
    تقدر تحمل اما نتها قلت يا عم بدون ما تتئمني عليها انا اصلا وحلفت له بالله
    انها امانه في عيوني لين ارجع لسعوديه طبعا هو اخذ كلامي وارتاح لما سمعه قال
    الحين انا اطمئنيت عليها تراها امانه عندك بسئلك عنها عند رب العالمين وجت
    العنود وجلسنا بس بصراحه والله جلسه ممتازه ومن بكره سافرت مع الشباب لاس فيقاس
    وكانت فعلا رحله ولا اروع منها طبعا طلاب اكيد طفارا (يعني ما فيه فلوس زايده)
    المهم اتفقنا كل اثنين في غرفه وطبعا لاس فيقاس ام القمار بس والله روعه جلسنا
    يومين ورجعنا كنها دقيقه من الوناسه
    الي شفناها يوم رجعت ومن بكره طلعت للجامعه ورجعت الا ابوالعنود يجي عندي
    يقول يبي يسلم يودعني
    قلت له انا اوصلك المطار طلعتا آن والعنود وهو ورحنا للمطار ودعناه يوم رجعنا
    آنا أسوق سيارة العنود
    أبدت دنياي الجديدة
    مشينا بالسيارة وطلعنا من المطار انا حسيت بالعنود مره متضايقه بعد سفر ابوها
    ما تبيني اشوف عبرتها
    اناقلت لها كانك تعبانه نزلي الكرسي على الاخر وغمظي عيونك وحاولي ترتاحين على
    طول ومن غير تفكير نزلت الظهر حق الكرسي وغمضت عيونها وشفت دمعه على الرمش
    وضاقت بي الدنيا صرت اسوق السيارة ولا اسرعت بعد ثلث ساعه تقريبا قامت وعدلت
    الجلسه وحاولت تضحك وانا تجاوبت معها قالت محمد والله غصب عني ودي اني رجعت
    معاه قلت امانه العنود لاتنقضين جروحي خليني احاول العب على نفسي بالنسيان
    قالت ايش رايك نروح البحيرة ونمشي على رجولنا انا والله فعلا مالي خلق اروح
    البيت قلت طيب على ما تحبين بس وشرايك قبل نروح اعبي الترمز شاي وقهوه عربيه
    وناخذ مويه واغير ملابسي قالت الا افضل بعد انا بغير ملابسي وصلنا وجهزنا كل شي
    وانا احس بفرحه بشي غريب وهي اقرا في وجهها نفس الشي وصلنل البحيره وجلسنا
    نتكلم نسولف عن السعوديه واكلمها عن قريتنا كيف الناس وطيبتهم وان القريه كلها
    14 عائله وانا كئنا بيت واحد نحب بعظ نخاف على بعظ وبعد ما ارتحنا قلت لهاايش
    رايك نمشي على البحيره شويه وبدون ما ترد الا هي تاقف وتقول يالله تركنا
    اغراظنا ومشينا يمكن خمس دقايق وبدون شعور مسكت يدها وهي استسلمت لي بدون شعور
    حسيت بلمست يدها ونسيت العالم كله ومشينا كثير ما حسينا بالوقت
    وبعد شويه حسيت اناها تسحب يدي وجهها احمر من الخجل اوانا انتبهت لنفسي وبدون
    شعور قلت لها والله العظيم ما ادري كيف سمحت لنفسي امسك يدك هي من طريقت كلامي
    واحساسها اني صادق ضحكت ضحكه قويه وانا مثلها انتبه وضحكت بدون شعور طحت على
    ركبي وهي من دون شعور جلست على ركبها قدامي وشفت بعيني اطهر وجه واطهر برائه
    فيه وهي سكتت فجئه زيي وفجئه قامت وقالت محمد يالله بروح ورجعنا وكل واحد يمشي
    وهو سرحان حاولت اقطع هل الصمت قلت الله بكره جامعه ويالله ردت قالت الله يعين
    قلت باقي على اجازة راس السنه والكريسمس تقريبا عشرة ايام قالت لك حادث حديث
    وفعلا حسيت انا تبي تروح بسرعه ما تبي تكلم انا احترمت رغبتها اللي ما صرحت لي
    فيها ركبنا السيارة ورجعنا لبيوتنا ونزلت اغراضي وهي نزلت واعطيتها مفتاحها
    وقلت اشوفك على خير قالت باي ومشيت لبيتي وانا ضايق صدري حسيت بشي غريب ولا
    عرفت ارتاح ولا شي جلست افكر ايش سويت انا معقول سويت شي غلط ضايقها انا فعلا
    البنت هذي قدرت تسيطر عل احساسي وتفكيري استولت على جزء كبير منه صليت ولا لي
    نفس على الاكل فكرت اتصل عليها اروح لها ابي اعرف شي ابي اعرف ليه اتغيرت فجئه
    قلت لا اخافاضايقها ورحت انام ولا عرفت انام جلست الين طلع النور وانا افكر ليه
    وايش سويت ودارت الدنيا فيني المهم طلعت الصبح استنيت تجي تطلع ما طلعت ورحت
    للجامعه قلت يمكن انها راحت بدون السيارة واول ما دخلت القاعه راحت عيني
    لمكانها وانجنيت بزود ما جت ليه واستنيت المحاظره الثانيه الثالثه ماجت انا
    خلاص انهرت ابي اعرف السبب طلعت ما كملت محاظراتي ورحت للبيت وسيارتها موجوده
    ما تحركت دخلت ما نمت ولا ارتحت واعصابي مره خلاص استلقيت على ضهري ومن زود
    التعب ما دريت عن نفسي الا انا اصحى الساعه3 الفجر وجوعان قمت اكلت بنفس مسدوده
    وشربت شاي
    ورجعت لوضعي الاول مشدوده اعصابي قلت اكلمها وانا متردد قلت خلها بكره عجزت
    استنى ما قدرت وبدون ما احس لقيت نفسي اتصل عليها واول دقه الا هي ترد قلت
    العنود قالت هلا انا سمعت صوتها حسيتيه شي مو صوتها اللي اعرفه قلت العنود ايش
    فيك سلامات قالت ولا شي حلفتها قالت لا تحلفني ما فيني شي قلت بس بسئلك سؤال
    ممكن قالت مو وقته قلت لا الا ابي اسئل بس سؤال واحد ولا اعطيتهافرصه تجاوب قلت
    العنود
    انا زعلتك شي انا ضايقتك انا قلت كلمه زعلتك تراني شوي ويجي انهيار مره انا بعد
    هذا اللي صار لي قلت لها كل شي قالت ممكن تتركني الحين قلت ما اتركك الا اذا
    قلتي خلاص لاتجيني لا تكلمني ولا كئنك عرفتني ايش قلتي الا اسمعها تبكي تقول
    لالالاانا اجيك الحين قلت يالله وعلى طول قفلت السماعه وطيران للباب وافتح
    الباب واطالع الا هي تجي بجلبيه عاديه نست نفسها وجتني الا ايش اشوف وجهها مره
    تعبانه كن لها سنه علىهل الحال انا بكيت قلت لها العنود ليه كذا ايش فيك الا هي
    تحط راسها على كتفي قالت ما ادري دخلتها داخل وجلستها على الكنب وطرت اجيب مويه
    لها شربت رشفه وجلست انا على الارض بدون شعور قدمها قلت لها بربك ايش الموضوع
    قالت انا بقولك شي نا من اول يوم شفتك ومن اول ماجت عيني بعينك وانا متلخبطه
    وبعد ما مسكت يدي على البحيره وبعد ما طحنا انا وانت على ركبنا على البحيره وجت
    عيني بعينك حسيت بشي ارتجفت وحسيت قلبي مو معي وخفت بشكل خرافي مو منك لالالالا
    ما ادري حسيت قلبي مو معي شفته بعيوني معاك في صدرك في كل جوارحك انا بدون شعور
    خفت لاتزعل علي خفت اضايقك بس كان همي ارضاك اوانا يوم وصلت البيت عرفت اني
    زعلتك ولا عرفت اتصرف ولا عرفت اجيك ولا اعرف ايش اقولك او من وين ابتدي انا
    بدون شعور مديت يدي على خدها ومسحت دمعتها وعجزت انطق كلمت احبك وهي تناظرني
    قلت العنود قالت سم لبيه قلت وربي ورب الكون انا مو بس حبيتك لا انا خلاص سلمت
    عمري لك كله وانتي تتصرفين فيه وبدون شعور قلت(((خذيني انسان ماقبلك ولا بعدك
    يحب انسان---- خذيني واشتريك بعمريكون السعد لايامك)))قالت انا الحين تئكدت اني
    احبك انا اول مره اعيش الحب انااحبك قالت احبك وهي تهمس همس من الحيا والخوف
    قلت لها علي عهد الله ولك امان الله ما اخونك ولا يجيك مني اللي يزعلك قالت انا
    كلي لك انا يحرم على البشر لاقبلك ولا بعدك حسيت بدنيا جديده وهي زانت ضحكتها
    حسيت الدنيا ردت لها نسينا الوقت نسينا الدنيا ولا حسينا بشي قالت طلع النور
    ولا درينا عن الجامعه بس سوالف ضحك يوم انتبهنا الا الساعه9 الصباح انا مقفل
    الستاير ولاندري عن اليل اوالنهار وقالت انا جوعانه حيل ما اكلت شي وهي تضحك
    فرحانه احس بعيونها شي كلام كثير ودها تقوله ودها تتكلم وبعد ماخلصنا قالت
    انا بروح البيت ابي انام لاكن لاتروح عني ولو شبر واحد بدوني لا صرنا نروح سوى
    للجامعه لسوق لكل مكان عشنا احلا شهرين بحياتنا ما يفرقنا الا النوم سهراتنا مع
    بعظ يوم في بيتي يوم في بيتها واحلا شي اذا استلقينا على ضهرنا ونسهر عند
    التلفزيون كتفي بكتفها ويدي بيدها ولا نفترق لحظه الكل منا يبي يخدم الثاني
    الكل منا يدور رضا الثاني ولا حسيت الا باقي من اختبارات الا يومين يعني يالله
    الملم نفسي وكنا اشترينا هدايا لهلنا ورتبنا حجزنا بطيارة وحده وكرسيين مع بعظ
    المهم رجعنا للسعوديه رجعنا لغلاا بلد رجعنا لديرتنا للحبايب لهلنا ركبنا
    الطياره وطبعا اغلب الركاب طلاب سعوديين جلسنا في كراسينا وسولفنا وكان همنا
    كيف نقدر نفارق بعظنا لمدة شهرين وصفتلي بيتهم واخذت التليفون عشان اقدر اكلمها
    نسمع صوت بعظ ترجتني اني ما اتئخر عليها ونامت على كتفي اغلب وقت الرحله ونا
    يدي عليها
    لما اعلن عن استعدادنا للهبوط في مطار الرياض توادعنا وكلن حس بفراق الثاني
    ومسكت يدها قلت ترانا على عهدنا ولا يفرقنا الا الموت قالت انا على عهدي معك
    نزلنا وانا اراقب خطوتها قدامي طلعنا برا سلمت على ابوها وصديقي ناصر جاي
    ينتظرني وعرفتهم على بعظ طبعا هي لابسه العبايه ومغطيه وجهها اصر ابوها الا
    يعزمنا وانا اعتذرت وقلت اغلا الناس ينتظروني ابوي امي ركبت مع ناصروناصر من
    فرحته في يضحك وحسيت بطيبة قلبه وغلاه لي وجلس طول الطريق يكلمني عن القريه
    والاهل وان اغلب سواليف القريه عن روحتي لمريكا وعن دراستي ومتى برجع يوم
    وصلنا القريه قلت له ترا هديتك معي بس اذا ارتحت وفتحت الشنط توصلك لالالا وش
    ذا الكلافه انا اخوك مالي معروف ولا شي المهم وصلت لحد البيت وقفني ناصر الا
    اخواني لابسين ومتشيكين وابوي مشخص حسيت بالفرحه بعيونه حسيت الفرحه بوجيه
    اخواني عبدالله وسعود وخالدوعثمان واختي الهنوف ونوره نزلت ومسكت عبرتي من
    الفرحه وحظنت ابوي وحبيت يده وراسه وحظنت اخواني كلهم وامي واختي الكبيرة سلمى
    ورى الباب تبي تطير تحظني وهي تبكي دخلت سلمت عليها وهي تبكي وتقول الحمدلله
    شفتك رجعتلي وسلمت على اختي جلسنا نتكلم واخواني الصغار ما فيه سؤال بالدنيا
    الا سئلوني عنه برائتهم فتحت الشنطه وطلعت هديت ابوي ساعه وحبيت راسه ولبسته
    الساعه وحبيت يده وجلس يدعيلي طبعا اخواني وخواتي مستعدين يبون يشوفون ايش جبت
    لهم واخذت هديت امي ساعه وعطروحبيت راسها ويدها وزعت الهدايا على اخواني
    الاولاد وفرحانين شي ما شافهوه بحياتهم من الاعاب وخواتي الصغار نفس الشي واختي
    سلمىتتنظر دورها تحسبني ما حسبت احسابها وكلهم وقفو انفاسمه فكروني نسيتها ضحكت
    وقلت
    سلمى انا انسانك انسى نفسي ولا انساك ضحكت من الفرحه ساعه وسلسله ذهب فيها حرف
    الاس وعطر نوعين لها حسيت بدمعه في عيونها رفضت تطلع من الفرحه وهذيك اليله
    فرحتي بهلي مانستني العنود صليت العشى بالمسجد مع الجماعه سلمت عليهم كلهم
    وكلهم فرحتهم بي مثل فرحت اهلي وطلعت مع ناصر ومريت البيت وطلعت هديته ساعه وهو
    يقول ليه احرجتني والله والله انك اخوي وعزيز علي قلت له لو انك منت اخوي ما
    فكرت اجيبلك شي قلت له يالله نروح لبيت عمر نجلس مع الشباب قال لا اول بنجلس
    انا وانت ابيك تقولي وشي امريكا وش سويت وشلون البنات هناك وهو صدق يمشون
    مفاصيخ(( يعني عرايا)) ضحكت من قلبي وجلست اسولف له عن كل شي وهو يسب في ام
    البلديه وعمالها ودوران الشوارع هههههههه حسيت انه يبي ينجن يوم قلت له ارتبلك
    زياره عندي تجلس لك شهر قال وش اقول لبوي لهلي قلت تقول عندي انتادب ههههههه
    المهم جلسنامع الشباب شلة اول وكل واحد منهم عنده الف سؤال عن امريكا (((( طبعا
    اسئلتم كلها تدور عن الجنس الناعم



    بابليون

  3. #3

    تاجر المحششين سابقاً

    تاريخ التسجيل
    Feb 2008
    الدولة
    منتهيـــهْْ
    المشاركات
    623
    معدل تقييم المستوى
    24

    افتراضي رد: تخيل نفسك بطل هذه القصة

    ومر اول اسبوع وانا ما راحت عن بالي العنودوفكرت كيف اقول لبوي اني بروح
    لرياض اش السبب المهم قلت لبوي اني لازم اراجع السفاره والوزاره ابي اروح يوم
    واحد لرياض وارجع بنفس اليوم ولا ابد اي اعتراض مريت ناصر ورتبت معه وقلت له
    لازم اروح معك لدوام اكلم علىالرياض وانا فهمت العنود من قبل انه اذابغيت اتصل
    بيكون ما بين الساعه8 الى9 الصباح بس ولا تئخر ناصر لي في اي طلب رحت ويم اتصلت
    الساعه8.10 الا صوت العنود تقول بذمتك ما وحشتك ولا فكرت في ولا طرالك تصل علي
    قبل ليه تئخرت علي ثمانية ايام ليه وينك فيه وايشصار عسى مافيك اي شي انا كل
    يوم انتظر ماانام الا بعدالساعه10 الصباح كل يوم اقول بيتصل وينك قولي ولا
    اعطتني فرصه اتكلم وعندي ناصر انحرجت مره قلتلهايا سعود تراني بكره ابي اجي
    لرياض وابتصل عليك الساعه اربع العصر انا قلت سعود لها قامت تضحك من قلبها ومن
    فرحتها قالت طيب بس اشوفك والله الله غير اعظك انا سعود طيب قلت انا ما ودي
    اطول عليك وعدنا بكره قالت (( الله يا باكر تئخرت بالحيل----قبلك تمر اسنين ما
    حس فيها
    ((بكرة بغنيله واجر المواويل----بكره عيوني تشوف اللي تبيها
    قالت خلاص انا بكره انتظر اتصالك وقالت في امان الله يا عز مخلوق وقفلت السماعه
    وقلت ناصر نويصر بكره ضروري الرياض نمشي الساعه عشر الصباح كل تم لعيناك طلعنا
    من المكتب وصرت الف معه في هل الشوراع لين صلينا الظهر رجعنا لقريتنا قمت
    الصباح بدري تجهزت بعد الصلاة وافطرت مع امي وابوي
    والساعه سبع ركبت السيارة مع ناصر للعمل وجلسنا الى الساعه تسعه وقال يالله
    مشينا انا افكر طول الطريق كيف اتخلص من ناصر لو ساعه عشان اروح حق العنود
    المهم وصلنل للمملز وقلت لناصر خلنا نوقف هنا وبعدين عشان ما نضيع الطريق وقف
    السياره وخلني اخذ تكسي واروح مشواري تقريبا ساعه وارجعلك
    قال اوقف ونروح سوا بالتكسي قلت لا ما يدخلونك السفاره واخف يوقفونك بالشمس انت
    ادخل هل المطعم واطلب شاي لين اجي قال طيب وافق بكل طيبت قلب ما يدري ليه انا
    جاي هنا المهم ركبت تكسي ومشيت على توصيفها ويوم وصلت اللشارع نزلت ومشيت على
    رجولي وصلت البيت طقيت الباب حسب اتفاقنا ثلاث مرات وسمعت صوتها تقول مين قلت
    محمد فتحت الباب بسرعه ودخلت الله يوم شفتها وهي فرحانه بجيتي بدون شعور ضمينا
    بعظ ولما انتبهنا فكينا بعظ بسرعه وهي استحت كثير دخلنا داخل البيت ومسكت يدي
    تسحبني معها وهي تحاول تركض من الفرحه دخلت الفيلا حقتهم روعه بالتصميم
    بالديكورات بحدايقها بكل شي فيها وصارت تفرجني علىالبيت كله وصلت لغرفتها قالت
    هذي غرفتي الخاصه هذي اللي رسمت احلامي فيها معاك هنا انام هنا اجلس هنا اكتب
    قصايدي وابيات شعري انا حسيت اني بعالم ثاني قلت لها ابي اسمع اخر قصيده
    كتبتيها ابي اسمعها منك تقوليها استحت مره وجها احمر وهذا يزودها حلاوه قالت
    انا كتبتها امس باليل ولا كملتها قلت معليه ابي اسمعها قالت طيب بس بدون تعليق
    منك ترني بوقف اذا قلت شي قلت طيب هه بقفل فمي وحطيت يدي علىفمي قالت:
    يارب كانه نصيبي ووفرحت ايامي------- اعيش لجله واعيش العمر لعيونه
    اكون قربه يكون لشعري الهامي------- واخبر الناس عن ليلى ومجنونه
    والله احبه وقلبي لفرقته ضامي ------- والله احبه واحب اللي يحبونه
    من وين مارحت وزوله دوم قدامي------- اقسم بربي فلا ابيعه ولااخونه
    وقفت عن الكلام قلتلهاكملي قالت هذا اللي كتبتة ما عرفت ارد عليها ولا
    علىالكلام الي في عيونها


    لفيت الكرسي اللي انا جالس عليه للحديقه وجلست اتفرج علىالحديقه مو حب فيها لا
    لاني ما قدرت اطالع فيها من نظرتها من لهفتها من الشوق اللي في عيونها وما حسيت
    الا يديها على كتوفي وتنزل راسها وتهمس في اذني وتقول محمد والله احبك وقال اه
    حسيت صدري تمزع معها قلت سلامتك من الاه قالت تدري ليه هل الحرقه بصدري وقبل
    ماادر قالت من الخوف من اللهفه عليك وشلون بتحمل هل الايام الباقيه هنا وانت
    بعيد عني وشلون بقدر اصبر علىفرقاك نزلت راسها وبوست راسي وضمتني وانا جالس على
    الكرسي ضغطت صدرها على ضهري وشفت دمعتها على يدي وتفاجئت وحاولت اقوم واقف
    ويوم قمت وابي اتكلم الا اشوفها بدموعها غرقانه قلت العنود ليه كذا انا جاي
    متعني لك ابي اشوف ضحكتك اشتقتلك قالت محمد انا خلاص ما اقدر اتحمل غيابك لو
    دقيقه اي دقيقه لا لو ثانيه مااقدر انا قبل اشوفك قبل اعرفك كنت بعالم ثاني
    بعالم امي ابوي اخواني بس ولا عمري فكرت بالحب كنت اقرا احيانا عن الحب وكنت
    اخاف منه لاكن الحين انا عشته
    وربي انا بدونك احس اني غريبه بهل الدنيا ايه اضحك مع اهلي اجاملهم وانا اشوفك
    في وجيههم وين ما التفت الاقيك قدامي ضميتها على صدري بدون شعور وقلت لها
    العنود والله ما يفرق بيننا الا الموت خلينا نجلس مع بعظ شويه ابي ضحكتك ابي
    اسمع صوتك اول وين وينه سحبت يديني وجلسنا على كرسيين جمب بعظ
    وقفت وقالت ثواني وراحت والتفت اشوف غرفتها الا الاقي صوره لها مع اهلها وهي
    بينهم زي احلا ورده بالعالم والله الكلام هذا الكلام قليل بحقها مهماقلت عنها
    وفتحت الباب ومعها عصير واحد وهي مبسوطه قالت هذا انا جهزته بيديني لك وانا
    اجهزه الفرحه الي فيني يفرح بهاالعالم كله تصدق محمد ساعات احس ان الله يحبني
    خلاني احبك فعلا ان شالله الله يحبني لاني حبيتك انت ولان قلبي معاك انت ولن كل
    الدنيا انت وقامت واقفه قالت يالله ابد انت بشرب اول رشفه من الكاس قلت لا انتي
    اول قالت لالالالا والله لو يجون العالم كله يقولون انتي اول قلت لا انت اول
    وانا من يديني اسقيك قلت طيب ليه واقفه قالت هذا حقك لالا اقل من حقك لو اعرف
    طريقه ثانيه غير كذا تليقلك سويتها قالت انت يالله اسقني وجلست على ركبها وهي
    فرحانه قالت يالله انا ضحكت قلت لا العصير لذيذ انا بشربه لحالي الله يضحكه
    ضحكتها بكل البراءه بكل الطهاره اللي بهل الدنيا شفتهافيهاقالت بس ابي رشفه
    وحده منه وانا اسقيك بعدهاكله بيديني ضحكت معها وقلت يالله بسم الله واسقيها من
    يديني وقالت والله
    والله فلا غيرك من الناس مخلوق------ يقدر على قلبن خذنه يدينك
    انت الوحيد الي له الحق يا شوق------يامروينهاني وانا ملك ايدينك
    قلت لها الله عليك انتي الملاك الي في قلبي سكن انتي نجمة سماي اللي بعيوني
    وحيدة لمعت ناضرت الساعه وقلت العنود انا تئخرت ولا اقدر اجلس معاك اكثر من كذا
    لاكن انا بروح وامنتك اللي ما يخون الامانه وقلت لها يالله ومسكت يدها وطلعنا
    من غرفتها وحسيت بدقت قلبها حسيت بهمومها ولاتكلمت ولا قالت شي ويم وصلنا الباب
    شفت دمعتها وقلت لها في امان الله انشالله اذا قدرت اكلمك واحاول
    اذا قدرت قلت خلاص بس لازم ترتب معي لرحلت الطياره قلت خلاص انشالله وقالت لي
    في امان الله ورجعت لصديقي ناصر وقال ليه تئخرت وقلت له السفاره اخروني زحمه
    ورجعنا على طول لقريتنا ومرت الايام ولا حسيت فيها مع اهلي مع اصدقائي وخلاص
    بكره السفر طبعاانا ما قدرت ارتب مع العنود ودعت اهلي
    وركبت السياره مع صديقي ناصر وطول الطريق سوالف وناصر قرر انه يزورني اعطيته
    التليفون حقي وقلت له اذا رتبت امورك كلمني اعلمك كيف توصلني قال خلاص وصيته
    على ابوي وطالعني بنظرت عتب قال كيف ابوك في عيوني وهو مثل ابوي ودامني موجد ان
    شالله ما يحتاج لاحد ولا يضيق صدره وانا واثق من كلامه المهم وصلت المطار قبل
    السفر بثلاث ساعات ورحت على شان اسحب البوردنق باس ولاقيت واحد شباب وتجرئت
    وقلت له وحده اسمها كذا ممكن اعرف كيف وضعها ضحك ويفتكرني واحد من العابين قال
    ابشر ما لك هم وسولفت معها شوي تعرفت عليه المهم يوم بدت العالم تجي وتصير زحمه
    قلت له لا تسوي لي شي الين تجي هي ونشوف مقعدها وين علىشان اكون معها وابعد
    بعيد وبعد عشر دقايق الاتجي مع ابوها واخوهاالصغير وانا اشوفها بعيوني وقلبي
    وكل جوارحي ولولا الخوف فزيت لها وحضنتها قدام الناس بس بنفس الوقت فيه شي
    خلاني ما اروح اودع ابوها واشوف العنود تتلفت وبالصدفه راحو عند الشباب اللي
    سولفت معاه واتفقت معاه


    والعنود تتلفت بعيونها تبحث عني وانا الى لحظت كتابتي هذ ما ادري ليه تخبيت من
    ابوها المهم ختمت جوازها ودخلت داخل وانا بسرعه رحت لصاحبي واعطيته التذكره
    وعلى طول وهو يضحك قالي ايه وصلت ولحظه اشيك عليها وقال يالله انت على الشباك
    وهي جمبك مقعد58و59 ويم جيت امشي قالي تعال لحظه واستئذن من مديره وراح معاي جو
    الصاله الداخليه وقال استريح هنا ثواني ورجعلي قالي ايش اسمها بالكامل قلت له
    اسمهاوانا ما ادري ليه ويوم دخلو الركاب وقف العنود وانا متخبي عنها وقال لها
    لحظه قالت ليه ايش فيه قال لها استني شويه فيه كل خير ونادا علي اشرلي وجيت له
    وانا اضحك العنود تفاجئة قالت هلا محمد وينك قلتلها بعدين بالطياره قال الشباب
    هذا تفضلو ويوم جينا على باب الطياره نادا على السوبر فايز حق الطياره وقاله
    هذي الامانه هل الشخصين قاله خلاص وصلت واحنا ولا فاهمين شي قال السوبر فايزر
    تفضلو من هنا لدرجه الاولى قلت انا لا احنا الدرجه السياحيه قال جاتني توصيه
    منالاخ صالح اهتم فيكم
    تفضلو الدرجه الاولى دخلنا الدرجه الاولى وربي يحبنا ولا فيها ولا واحد قال
    اختارو اي مقعد تبونه
    كلها لكم واخترت على الشباك بالنص واقلعت الطياره وكلما جت تسئل قلت لها بعدين
    اصبري شي وبعد ماصرنا بالجو تقريبا من ساعه وهي ما استنت ولو لحظه على طول
    اسئله وتحقيق وانا اضحك وليه ماكلمتني وليه ما رتب معي وليه وليه وليه وانا
    اضحك قلت لهاكل شي وايش الاسباب شالت عبيتها وجلست عندي وقالت شوف ايش صار فيني
    بعدك ما عاد اكل ولا اضحك الا مجامله لهلي بس صبرك علي نوصل هناك تشوف اذا ما
    قطعت جسمك كله عظ وهذي اول عظه مقدمه على طول نطت علي وعضت يدي وانا مسكت روحي
    وصوتي لاحد يسمعنا من الظحك ومن موفاجئتها لي بهل الحركه بوست يدي وضحكناوقربت
    راسها على كتفي وقالت الحين اقدر ارتاح واقدر انام قلت خلاص عيوني ارتاحي واخت
    عبايتها وغطيتهافيها وبعد ما استغرقت في النوم انا قمت ورحت لمضيفين وجلست
    اسولف معهم وهم يقولون لي الله يوفقك انت وزوجتك شكلكم تحبو يعظ مره الا

    وحده
    منهم مغربيه تضحك بقوه وقالت انا شفت شي عرفت انها تحبه مره وكمان تحاسبه على
    اي غلط هههه قلت كيف قالت قبل شويه عظتك صح انا انحرجت وحاولت اجامل بالظحك
    قالت ايه اهي حست اني ناقص تربيه وربتني ضحكو المضيفين والمضيفات وبدت اسئلتهم
    انت تعرفها قبل انتم كيف عرفتو بعظ انتم تقربو لبعظ انت كم لكم تحبو بعظ انا
    حاولت اتهرب قلت كيف عرفتو انا نحب بعظ قالت المضيفه المغربيه لا مو اي حب انتم
    تموتو بعظ بشكل غير طبيعيa وانا اقول مشالله عليكم والله يحميكم من الحسد قلت
    لهم كيف حبينا بعظ كيف عرفنا بعظ كيف نحب بعظ الحين هذي قصه طويله لاكن اللي
    اقدر اقوله لكم انه من اول نظره واول ماجت عيني بعينها
    انا حسيت انهم حبونا كذا لله في لله ما ادري ليه جلست معاهم سرقنا الوقت ما
    حسينا نتكلم نسولف عن سفراتهم عن شغلهم والله يكون في عونهم وخصوصا المتزوجين
    منهم قمت منهم قلت بس بشوف العنود لحظه قال واحد يارب ارزقني وحده احبها وتحبني
    وهو يضحك قلت امين وانا اضحك وجيت العنود لقيتها نايمه وكنها لها سنه ما نامت
    خليتها ورجعت قلت مسكينه لها يومين ما نامت زين قالو ليه قلت انهاتستعد لسفر
    واهلها واهلي ولا ارتحنا ابد اليومين اللي مرو يوم باقي على لندن ساعتين
    استئذنت منهم ورحت عند العنود وسرحت بتفكيري كثير ليه انا تخفيت عن ابوها ليه
    وعجزت الاقي تفسير وصلنا لندن وصحيت العنود ونزلنا وغيرنا الطيارة وصلناالرحله
    وصلنا لبيوتنا وراحت لبيتها وممداني اجلس التليفون يدق رفعت السماعه قالت على
    طول محمد ولا تلمس اي شي انا بس شويه واجيك قلت ليه قلت بس مو شغلك وهي تضحك مر
    الوقت الا الباب وفتحت لها ودخلت قلت لها ايش فيه قالت انا ارتبه لك وارتب
    ملابسك لا تسوي شي حاولت ارفض ولاقيتهامصره مره قلت اجل خلاص بطلع اجيب عشا
    قالت لا خلينا نطلع سوى المهم رتبت البيت وخلصت قالت يالله خلينا نطلع ناكل اي
    شي طلعنا على سيارتي واتفقنا علىمطعم هندي ودخلنا المطعم فعلا كان حلو
    ويوم شافتنا اللي بلاستقبال ابتسمت واصرت انها تختار لنا الطاوله واختارت لنا
    في اخر المطعم بالكورنر
    جت عندنا بعد ما اخترنا الاكل وتسئلنا الاكل معجبكم اوتختارون غيره طبعا
    كلامها مجامله شكرناه وقبل تروح قالت انتم اتزوجتو اولا لسى حبايب ضحكنا سوى
    قالت العنود الا اتزوجنا بس كيف عرفتي قالت
    قالت الهامي قالي كذا هذولا عرسان جدد راحت وبعد شويه الا تجيب مع واحد باقت
    ورد تقول هديه لكم من ادارة المطعم فعلا كان الورد حلوطلعنا من المطعم والفرحه
    بعيوننا ومبسوطين يوم وصلنا لبيوتنا قالت انا بروح اغير ملابسي تعال عندي انت
    قلت اوكي بعد انا شوي اغير واجي يمك غيرت ملابسي ورحت عندها لقيتها زبطت الشاي
    وجابت مخدات ثلاث وقدام التلفزيون جلسنا على الارض وشربنا الشاي
    وبعدهاانسدحناعلى المخدات وجت هي مره قربت كتفها على كتفي سهرنا سواليف ولاندري
    عن القدر ولا المستقبل الجو كان بارد حلو مره يوم طلع النور الا الجو غيم مره
    قلت لها خلاص بروح انام قالت انا ما فيني نوم ونفسي اطلع اتمشى شويه على
    البحيره قلت لها لا انا فعلا تعبان خليني انام والعصر نطلع للي تبين
    قالت اوكي وطلعت نمت وانا افكر في المستقبل والدراسه باقي عليها اربعة ايام قمت
    على جرس التليفون



    بابليون

  4. #4

    تاجر المحششين سابقاً

    تاريخ التسجيل
    Feb 2008
    الدولة
    منتهيـــهْْ
    المشاركات
    623
    معدل تقييم المستوى
    24

    افتراضي رد: تخيل نفسك بطل هذه القصة

    الا العنود تقول ما مليت من النوم وهي تضحك قلت الا قالت يالله انا جيتك الحين
    قلت لحظه بس ابي اخذ دش شويه واكل اي شي قالت انت افتح الباب ولا تسوي شي خذ
    الشور وانا مجهزه لك سندوتشات قلت ين
    يوم خلص اخذ شور الا هي في غرفتي تجهز لي ملابس وانا ما علي الا الفوطه استحت
    كثير ومن الخجل ارتبكت ماعرفت تطلع او تجلس قلت لها وانا اضحك عليها بعد الى 3
    اذا ما طلعتي برمي الفوطه صرخت وهي تقول يمه وتظحك وتطلع بسرعه لبست جلابيه
    وطلعت لها الا هي وحهها احمر مره ولاراح خجلها قلت لها يا خوافه ليه طلعتي وانا
    اضحك ولا ردت علي اكلت السندوتشات وقلت لها ايش برنامجنا قالت اللي تبي قلت
    تبين نروح البحيره قالت ايوه قلت لهايالله البسي وانا اغير والبس ونمشي اخذنا
    قهوه والشاي وطلعناهي لابسه تيشيرت وشورت وانا زيها وصلنا البحيره ماهي بعيده عنا مسافت ثلاث الى
    اربع دقايق نزلنا شربنا القهوه وقالت ايش رايك نمشي قلت اخاف المطر ما تشوفي
    الجو كيف قالت الا ونفسي تمطر واحنا نمشي
    قالت يالله امنيتي المطر معاك مشينا واول ما مشينا ناظرتها وظحكت ولا تدري
    ايش السبب على طول قالت وين يدك مدت يدها طقيتها معها بشويش قالت وهي مبسوطه
    ليه قلت انا ابي امسك يدك بس لو صار
    زي هذيك المره تراني بنتحر قدامك ضحكت من قلبها ومسكت يدها ومشينا وقلت لها
    ممكن اتكلم جد شويه
    قالت تفضل وقفت وطالعتها قلت لها تقبليني اتزوجك هي ارتبكت وتغير وجهها وسكتت
    قلت لها ليه ساكته
    قالت تدري هذي امنيتي لاكن كيف نسوي الحين قلت لها اكلم على ابوك اليله واقوله
    اخطبك منه قالت خلاص موافقه وهي تضحك من الفرحه ظميتها ومشينا وانا يدي على
    وسطها وهي يدها على كتوفي ومشينا ابعدنا وقلت لها خلينا نرجع ترا بتمطر الحين
    شكل الجو بدا يتغير ويوم رجعنا الا ابتدى المطر وكل شويه يزيد اسرعنا بخطاوينا
    ولاكن المطر اشتغل مره بغزاره ركضنا سوى وصلنا السياره واحنا اخذين دش من المطر
    بملابسنا ونظحك ولمينا اغراضنا وركبنا السيارة وصلنا لبيوتنا وقلت لها الله متى
    يكون لنا بيت لحالنا قالت يارب قريب يارب نزلنا وكل راح في طريق غيرة ملابس
    وانا احس بالبرد على طول عملت لي
    شاي ولبست ملابس ثقيله وهي راحت وبعد ساعه تقريبا اتصلت تقول وينك قلت يالله
    جيتك رحت لها دخلت عندها وهي لافه على راسها فوطه قلت لها الحين بجيك الاعتداء
    مني قالت كيف قالت تعالي شوفي ويم قربت
    سحبت الفوطه من على راسها قالت الله عليك وهي تضحك ليه تلخبطني كذا قلت انا احب
    شعرك احب أشوفه ليه تغطينه قالت لسى ما نشف زين مسحت عليه بيدي وهو رطب وبدون ما
    ادري
    وتغير وجهها وقالت بروح اجففه بمجفف الشعر شويه قلت طيب شلت الملابس الثقيله
    اللي علي وبدون شعور رحت لها بغرفتها ويم دخلت الا اشوف ملابسها الداخليه على
    السرير واستحيت وطلعت عرفت هي ايش في الخاطر وجلست اشرب القهوه وطلعت
    وكنها البدر كني بظلام وطلع لي النور فجئه قالت ها عاجبك شعري الحين
    قلت انتي اللي كلك عاجبتني من اسفل رجولك الا هامت راسك استحت وجت عندي قلت لها
    اذا جت الساعه ثمان اكلم ابوك انا قالت زين ومر الوقت وقلت لها يالله اعطيني
    رقمه واسكتي لايطلع لك صوت قالت زين دقت لي الرقم وبعد ثالث رنه للجرس الا يرد
    ابوها في مكتبه سلمت عليه عرفني على طول قلت له يا عم انت بتقول ليه متصل الحين
    على محمد لاكن ياعم وانا ادري ما ينفع الكلام بالتليفون لاكن ان شاءالله اني
    ولدك وما تردني قال قل وش عندك محتاج شي تبي شي قلت يا عم انا متصل عليك ودي
    اخطب بنتك العنود وانشالله اني بشيلها بعيوني وبكون ولد لك ادور ارضاك بكل شي
    قال خلني افكر واكلم العنود واشوف
    وسئلني العنود تدري قلت لا اناابي منك الكلام قال يصير خير انا ارد لك قلت قالي
    كيف العنود قلت له بخير ولا قال خلاص قلت له مع السلامه ما ادري ليه انا قابض
    قلبي وماني مرتاح العنود مره فرحانه وخايفه بنفس الوقت تسئلني ايش قال ايش رده
    قلت لها يبي يسئلك ويردلي قالت موافقه موافقه بكل احساس هل الدنيا كلها اقول
    موافقه ظحكنا وقلت الله يكتب مافيه الخير وممداني اجلس الا التليفون يدق
    ردت العنود وقالت هلا ابوي كيفك وسلمت عليها اسئلت عن اهلها وفجئه سكتت واشوفها
    تبي تتكلم تجي تحرك شفايفها وتسكت وقالت بعد شويه يبه انا ادور ارضاك واللي تبي
    يصير يبه ومحمد انا ما شفت عليه اي شي يبه وبعدين بين عليها الخجل قالت ايوه
    موافقه وطلعت انا مبسوط رحت للمطبخ خليتها تاخذ راحتها وشويه الا تجيني وظمت
    ظهري وانا بالمطبخ وتقول
    يسدي ياسيد ساداتي
    سيدي الخود المزايين
    راعني وارفق باحالتي دامني في حبك رهيني
    قلت لها ايش قالك قال لي ان محمد طلب يدك وانا وافقت فورا قلت وافق هو قالت قالي
    انا بشوف اقولك راي بلاخير قلت الله يكتب مافيه الخير ومن بكره توني صاحي وشربت
    قهوتي وجيت ارفع السماعه ابي اكلم على
    العنود الا يدق التليفون وجيت اقول هلا بكل الحلا الا شي ردني رفعت السماعه
    والا ابو العنود يقول هلا محمد كيف وانا قلبي مو معي حسيت انه بيغمى على ويسلم
    ويسئل وانا ارد بدون شعور استنى رده
    قال محمد انا بقولك شي ودي تفكر في موضوع الزواج توك ما اتخرجت ولا ودي يصير شي
    وانتم ما تخرجتو يردكم عن دراستكم وبصراحه انا ارسلت بنتي ابيها تاخذ شهاده ولا
    ابي اي شي يردها قلت له ما فيه مشكله يا عم انا بكون معها وان شاء الله تتوفق
    بدراستها تكملها قال انا اهم شي عندي الدراسه ابيها تتفرغ لهاما ابي شي يردها
    حاولت بشتى الوسايل اني اخذ منه لو موافقه على الخطبه واذا خلصنا الدراسه
    نتزوج ورفض يعطيني اي كلمه ولما شافني مصر قالي اسمع يا ولدي اذا تبيني اجي
    وانقل العنود لئي ولايه بعيده عنك خلاص انا جاي خلال 48 ساعه انقلها قلت له لا
    انا اذا انت كذا انشالله اقل من ثمان واربعين ساعه انقل انا بعيد قال خلاص هذا
    وعد منك قلت سمه اللي تبي خلاص قفلت السماعه وضاقت بي الدنيا ليه ايش السبب ما
    يبيني ليه انا ايش فيني صحيح ماني غني زيهم لاكن انا عمر الماده ما فكرت فيها
    صليت ركعتين ودعيت ربي ولا اتصلت على العنود وبعد ساعه تقريبا الا اسمع طقه
    وحده على الباب وفتح لقيت العنود طايحه عند الباب مغمى عليها دخلتها وصحيتها
    وهي تبكي بشكل مرعب بشكل فضيع
    وحاولت اسكتها وقلت لها ما يفرقني عنك الا الموت قالت محمد بصدق كلامك قلت ايه
    بس ابيها تسكت بعد شويه هدت قلت لها ايش الي صار قالت ابوي حجز ويبي يجي بعد خمسة ايام قلت
    ليه قالت يبي
    يبعدني عنك يقول ادرسي اول وبعدين هذا فقير واحنا عائله فوق وهو تحت انا عمري
    ما فكرت ان مستوى ابوها كذا ما دي قلت لهاخلاص انا بجي عندك في البيت مااطلع
    لين يجي موعد ابوك واحاول اكلمه
    ما افراقك لحظه ضمتني على صدرها حيل بقوه وتقول احبك احبك ليه ليه يبه ليه قلت
    لهاالله يكتب مافيه الخير نمت عندها اول يوم في الصاله وهي كل شويه تطل تشوفني
    فيه اولا البنت مره خلاص احس انها بتنجن
    بيجيها شي ومن بكره طلعت وهي نايمه وكتبت لها ورقه اني برجع بروح اسلم على
    الشباب وانا طلعت ورحت
    ابيع البيت وهي ما تدري وفعلا الله وفقني وبعته بمبلغ كبير وخلصت ورجعت لقيتها
    مره متروعه تخاف اروح ولا ارجع انا من قالت لي الكلام اللي قاله ابوها قلت لازم
    اقطع عرق واسيح دم يعني لازم نفترق اذا ما فيه موافقه ليه اعذبها زياده واعذب
    نفسي معها خليني اروح بعيد وهي مع الايام تنسى
    ومن بعده قررت انتقل لولايه اسمها اوريقن بالوسط ولا قلت لها شي قلت اذا جا
    ابوها رحت رتبت اموري وهي ما تدري ويم جا موعد ابوها انا قلت لها برد لبيتي
    ومن الصباح ودعتها وضميتها على صدري حيل
    وقالت محمد كنك تودعني قلت انا اذا جا ابوك لك حادث حديث واذا وقفت معاه انتي
    ادخلي داخل قالت انت ايش بتقوله قلت بعدين تعرفي جلست اطالع فيها وانا في نفسي
    اودعها وطالعت المكان ودعته ورحت بيتي يوم جا ابوها تركته ساعه وجيت طقيت الباب
    فتحلي هو وقال تفضل وقلت له لا انا بس عندي حاجه وحده قال ايش قلت يا عم لو بعد
    التخرج تقبلني قال ياولدي فيه فرق بينا وبينكم ما اقدر وانت ما تقدر توصله قلت هذا
    اخر الكلام قال هذا الي عندي قلت انا وعدتك اني احافظ عليها انت الحين معها وانا
    خلاص بعت البيت ونقلت بعيد مره ارتاح وقلت له في امان الله ركبت سيارتي وسافرت
    ورحت واخذت لي بيت ومرت الايام وانا حالتي اسوء من السيء وانا ادري العنود اكيد
    بتعب لانها بنت فوق الوصف بنت فعلا عذرا بنت من النوع اللي اذا حب نسى نفسه نسى
    عمره وبعد سنتين وتوني راجع لدراسه من السعوديه لي يومين طبعا طلعت واشتريت
    حاجاتي كلها ودخلت وفتحت التلفزيون ويعلم الله ان صورت العنود ما فارقتني لحظه
    اشوفها بكل مكان في وجيه العالم اشوفها واتذكر احلا الايام معها وكل كلمه
    قالتها لي عملت لي قهوه عربيه وقمت اتذكر يوم تصب لي القهوه ودموعي نزلت غصب
    قعدت الفنجال من يدي وسرحت معها الا الباب سمعت دقه على الباب وقلت يمكني اتوهم
    لحظه الا الجرس غسلت وجهي ورحت للباب طليت مع العين اللي في الباب ما شفت احد
    وفتحت الباب الا الاقي العنود طايحه على ركبها انا من الموفاجئه طحت عندها
    وصرخت العنود اه اه اه وحظنتها بقوه على صدري والعنود احسها مو معاي ويوم شفتها
    الا مغمى عليها شلتها بسرعه وصحيتها فتحت عيونها شويه وابتسمت ودموعها غرقتها
    يالله بعد ساعه قدرت تجلس وقالت لو ما لقيتك خلاص بودع الدنيا جلست تعاتبني
    وانا اترجاها تكف ادموعها وتقول خلاص لو يطردني ابوي لو يذبحني مااروح عنك وجلست
    تتكلم عن ايش اللي صار لها وقالت انا حسيت فيك اخر مره انك تودعني بس كذبت نفسي
    واحساسي
    ليه تركتني محمد ليه قلت لها انا ما تركتك برضاي انا غصب علي تركتك قلت يمكن
    تنساني مع الزمن وانا
    يشهد علي ربي مافارتيني لحظه انا ما قدرت ابوك رافض كل شي وانا ما ابيلك درب
    الغلط ولا ابي تتركين اهلك بسببي وقررت ارحل وابتعد تصدقين اني في الطياره بكيت
    لين بدل الدمع دم تصدقين اني قررت ما تزوج ولاقبلك ولا بعدك قالت يعني لازلت
    تحبني قلت انا انسى عمري ولا انساك قالت انا لفيت الدنيا لين وصلتلك خلاص ولا
    اطلع من عندك قلت الله يقدرني على ارضاك قالت شوف حل شوف طريقه اتزوجني قلت لها
    خلاص انا وانتي بنتزوج خلال يومين انشالله قالت انا نقلت اورقي للجامعه هنا
    واهلي ما يدرون اذا تزوجنا قلت لهم انا كتبنا ورقه وطلعت انا وهي لشباب اعرفهم
    وشهدو على الزوج ورجعنا لبيت
    وكلمت على اهلها وقالت لمها بالحرف الواحد كذا يمه انا تزوجت محمد الحين وانا
    غيرت الجامعه وقولي لبوي انه يتركني اذا يبي سعادتي وبكلمك بكره اشوف ايش رد
    ابوي اذا موافق والا خلاص انسوني ومن بكره اتصلت ورد ابوها وحاول يهددها ويتوعدها
    وقال لها انا بجي لمريكا واطلقك غصب قالت انا الحين بقفل الخط وبروح معاه لمكان
    ولا في الحلم توصلني يبه انا احبه يبه اذا تبيني بنت سيئه او بنت على عرفك فيها
    يبه انا الحين معه ومايفرقني الا الموت عنه اذا تبي تقتلني تعال والله انتظرك
    لاكن اذا ما قتلتني والله والله لقتل نفسي بنفسي يا حياة معه يا موت بدونه جلست
    ساكته شويه وقالت خلاص بس محمد ما تكلمه الحين بعد شهر انا اكلمكم وهو معي
    وتكلمه قفلت الخط وقالت وافق لاكن بشرط ما نجيب اولاد ولا اترك الجامعه ولا فيه
    اولاد الا اذا جينا السعوديه ومرت الايام وخططنا تكون ولادتها على نهاية الدراسه
    اذاجينا نروح السعوديه بلاجازه وفقنا الله وحملت والترم الثاني كان صعب علينا
    مره وخصوصا هي على شان الحمل والدراسه ومع ذالك انا معها لين جبنا امتياز ورزقنا
    الله احلا بنوته بالدنيا طلعت نسخه من امها جلسنا بعد الولاده اسبوع واخذنا نسخه
    من شهادت العنود من الجامعه لمستواها ورجعنا لسعوديه وصلتها بيتها واتفقت معها
    اشوف ردت فعل ابوها لو عمل لها شي تكلمني فورا اخذها واسافر بها على اقرب رحله
    برا السعوديه طبعا انا مبلغ اهلي عن زواجي وانه اذا جينا سوينا حفله للعرس ومن
    كثر ما كلمت الوالده عنها والوالد حبوها انا جلست بالرياض اول يوم واتصلت
    باليل وكلمت ريم اخت العنود وباركت الزواج وانا من صوتها عرفت الخبر اللي
    اتمناه ردت العنود قالت الدرب امان الله يافرحتي
    وضحكت ضحكه والدمع من الفرحه على خدي قلت ايش صار قالت اول ما دخلت لقيت ابوي
    ولا مد يه يسلم علي
    وانا على طول حطيت البنت في حظنه يوم حط عينه عليها ضحك وبوسها وانا على طول نطيت
    وانا اضحك وابكي وحظنته قلت يبه هذي سعادتني انا هذي دنياي اللي ابيها قال
    الله يوفقكم هذا الي اقدر عليه وان شاء الله اقدر اسعدكم قلت يبه تسعدنا بس
    برضاك هذاللي نحتاجه اخواني وخواتي الصغار يعبرون عن فرحتهم بالركض بالضحك وامي
    بكت وقال ابوي وين محمدوه انا ضحكت على كلمت محمدوه قلت يبه قريب قال وينه قلت
    يبه الحين انادي عليه يالله تعال انا من الفرحه نسيت نفسي وعلى طول لبيتهم
    وطقيت الباب الا اخوها فواز يفتح قال مين انت قلت انت مين قلت انت اكيد خال وعد
    صح قال انت محمد قلت ايه قال تفضل دخلت الا ابوها يستقبلني على باب الفلا استحيت
    بس يوم شفت ابتسامته ارتحت سلمت عليه وقال ادخل دخلني قال الحين اطقك لين تقول
    امين دخلت سلمت على امها واخوانها وجلست معهم بالصاله وبنتي من يد واحد ليد الثاني
    الثاني فرحانين فيها جيت اعتذر من ابوها وقالي ياولدي انت تريد وهو يريد والله
    يفعل مايريد انا ما كنت اتصور انكم تغلون بعظ لدرجه هذي وقطعت علينا العنود
    الكلام توري ابوها الشهاده وانبسط ابوها وقالت يبه انشالله ارجع من هناك بشهادة
    الدكتوراه مع محمد قال انشالله رتبت معه الحفل واصر ان الحفل يكون عنده
    بالمزرعه وانه يكون عائلي خلصنا كل شي وجا موعد رجعتنا لامريكا سافرنا وعشنا
    احلا ايام العمر
    ورجعنا لسعوديه بعد البكلريوس واه اه يلاقدار والله اللي قدر لنا ورضينا فييه
    ثالث يوم رجعنا فيه طلعت العنود مع اخوها سلمان ووعد معها بيروحون يشترون هدايا
    وملابس للبنت
    لاكن القدر يسبقهم سلمان كان مسرع مره والعنود تترجاه يهدي شي وهو يقول لا ابي
    ارجع اشوف المبارة بالملعب قطع واحد عليهم الاشاره وكلهم راحو بلحظه

    زوجتي بنتي واخوها
    العنود وعد سلمان

    الله اختارهم والله يرحمهم برحمته وانا الى لحظة كتابتي هذي ما تزوجت ولارضت
    تروح ذكرياتي.....
    منقول



    بابليون

  5. #5
    شاتته الادارة (طرده)
    تاريخ التسجيل
    Feb 2008
    الدولة
    بالبطحاء عايشين
    المشاركات
    323
    معدل تقييم المستوى
    0

    افتراضي رد: تخيل نفسك بطل هذه القصة

    مشكوررررررررررررررررررر



    بابليون

  6. #6
    عقيـــد الصورة الرمزية زيتونه حمرا
    تاريخ التسجيل
    Feb 2008
    الدولة
    حفيرة نساح
    المشاركات
    1,506
    معدل تقييم المستوى
    26

    افتراضي رد: تخيل نفسك بطل هذه القصة

    مشكووووووووووووور

    بس ترا مااااااااا قريتهاااااااااااا
    مسكت راسي يوم شفتهااااااااا



    بابليون


    استغفر الله والحمد لله عدد ماكان وعدد مايكون وعدد الحركات وعدد السكون

  7. #7
    عريف
    تاريخ التسجيل
    Mar 2008
    المشاركات
    70
    معدل تقييم المستوى
    23

    افتراضي رد: تخيل نفسك بطل هذه القصة

    انا ما قريتها بس شفتها استغربت اكتير ومسكت راسي وقولت الله يعين الي بدو يقراها



    بابليون

  8. #8
    الصورة الرمزية ~شجن~
    تاريخ التسجيل
    Jun 2012
    الدولة
    فــي أعـماق قـــ مـامـا ـــب
    المشاركات
    401
    معدل تقييم المستوى
    73354

    افتراضي رد: تخيل نفسك بطل هذه القصة

    مشكوووووووووووووووور



    بابليون

المواضيع المتشابهه

  1. تخيل نفسك مدير المنتدى وش تسوي لشبكة محشش
    بواسطة البياع في المنتدى منتديات عامه وشاملة
    مشاركات: 17
    آخر مشاركة: 14 Mar 2008, 11:13 AM
  2. يحمل عروسه المحروقه والله صوره مؤلمه تخيل نفسك في هذا الموقف
    بواسطة تـ حـ ـدوٍهے آلبشےرٍ في المنتدى منتديات هبال و صرقعه ( مانبيع الا سوبيا وبربيكان توت )
    مشاركات: 16
    آخر مشاركة: 07 Mar 2008, 02:45 AM
  3. تخيل نفسك كمبيوتر والحياه Windows XP
    بواسطة ابوحمودي في المنتدى منتديات عامه وشاملة
    مشاركات: 4
    آخر مشاركة: 06 Mar 2008, 01:44 AM
  4. تخيل نفسك في مكان هذا الرجل
    بواسطة مرايم في المنتدى صور Images Only موقع صور 2012
    مشاركات: 50
    آخر مشاركة: 22 Apr 2007, 03:37 PM
  5. نعم أنت ألا تخجل من نفسك أنت
    بواسطة القشطه في المنتدى منتديات عامه وشاملة
    مشاركات: 13
    آخر مشاركة: 22 Aug 2005, 11:08 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
محول الصوتيات برنامج داون لود مانجر 2013 تحميل برنامج تحميل من اليوتيوب برنامج مشغل الفلاش خلطات صبغات الشعر احدث صبغات الشعر العناية بالشعر
العاب بن تن - -